الأربعاء، 29 يناير 2014
بالتفاصيل كلية الصيدلة 6 سنوات لعام 2014 / 2015
بتاريخ 1:49 م بواسطة مدير الموقع
توضيح للطلبة بكلية الصيدلة
كلية الصيدلة كانت 5 سنوات وبعدها بسنة يتم التكليف
اما كل الكليات الطبية يتم تكليفها مباشرا بدون مرور عام
وخريجى كلية الصيدلة السابقين كان بيتم تدريبهم فى الصيدليات عدد ساعات معينة خلال الاجازة الصيفية للفرقتين الاخيرتين
اما الخريجين الجدد فى هذا العام سيطبق خلال السنة التالية للتخرج التدريب 3 شهور على الصيدلة الإكلينيكية 3 شهور فى مستشفيات الجامعة و 3 شهور فى مصانع الأدوية و 3 شهور فى الصيدليات الأهلية على شكل دورات ربع سنوية بالتبادل بين طلاب الامتياز حيث تقسيم الدفعة 4 مجموعات
اول 3 شهور يتم تدريب اول مجموعة على الصيدلة الاكلينيكية مثلا وتكون المجموعة الثانية فى المصانع والثالثة فى المستشفيات الجامعية للتدريب على الاعمال الحكومية والجرد والمجموعة الرابعة فى الصيدليات الاهلية
الـ 3 شهور التالية اول مجموعة تدرب فى المصانع والمجموعة الثانية على الصيدلة الاكلينيكية وهكذا
ملحوظة يتم معادلة فترة التدريب الصيفى للخريجين القدامى والعام السابق للتكليف تلقائيا بسنة امتياز
♥ سؤال هل سيطبق سنة الامتياز على الخريجين هذا العام
♥ الاجابة سيطبق القرار ان شاء الله علي خريجي الثانوية العامة في 2014
♥ سؤال هل سيطبق سنة الامتياز على الكليات الخاصة
♥ الاجابة لن يحصل الصيدلى على شهادة التخرج الا بعد اتمام سنة الامتياز واجتيازها سواء كان فى جامعة حكومية او جامعة خاصة
♥ سؤال هل امتياز صيدلة تبقي زي امتياز طب باجر صح ولا ايه ؟؟ للدفعات الجديدة
♥ الاجابة نعم سنة الامتياز تكون براتب شهرى مثل كلية الطب وطب الاسنان
♥ سؤال طب ممكن حد يقولي ايه الهدف او ايه الفايده من حوار سنة الامتياز ده
♥ الاجابة علشان وزارة الصحة قررت مساواة الصيادلة بالتمريض باعتبار ان الدراسة خمس سنوات بالرغم ان التمريض 4 سنوات وسنة امتياز
فطالبت النقابة باحتساب سنة امتياز للصيادلة للتدريب ليتساوى الصيادلة باطباء الاسنان 6 سنوات فى كادر الاطباء
♥ سؤال لو سمحتم كان عندى سؤال بخصوص سنة الامتياز لصيدله الطالب اللى عنده جيش كدا هو مش هيقدر يدخل الجيش غير بعد سنة الامتياز؟
♥ الاجابة نعم يتم تأجيل الجيش فى فترة المتياز حتى التخرج والحصول على الشهادة
♥ سؤال هل الصيادلة الحاليين فى الوزارة مش هيدرسوا الامتياز دى
♥ الاجابة الصيادلة القدامي و الخريجين و طلية كلية الصيدلة الحاليين لا علاقة لهم بالقرار من حيث التدريب .........اما العاملين في وزارة الصحة فسيتم احتسابهم في الكادر 6 سنوات مثل الاسنان بمجرد وصول خطاب المجلس الاعلي للجامعات الي وزيرة الصحة
♥ سؤال يعني يا دكتور الطلبة الحاليين معفيين من القرار ده ؟
♥ الاجابة تم رفع الاقتراح ليطبق علي الثانوية العامة بدءا من هذا العام حتي يكون الطالب علي علم قبل ان يدخل بأنه سيدرس 6 سنوات و يدخل مختارا
♥ سؤال هل سنة الإمتياز هى تحايل لتعديل وضع الصيدلى فى الكادر .. وليس لها بُعد مهنى
♥ الاجابة سنة الامتياز فلسفتها ..... في تخريج صيدلي مؤهل بقدر كبير لسوق العمل ......استغلال فترة الفراغ لتكون امتياز مثل الاطباء و بأجر مثلهم ......تحسين الصورة الذهنية في الفريق الطبي و المجتمع عن الصيادلة .....اتاحة الفرصة لتوفير صيادلة للعمل في الصيدليات الاهلية خلال فترة الامتياز ......الاهم من ده كله و هو تقليل الاعداد عن طريق الزام الجامعات بتوفير مستشفي عشان الكلينيكال
♥ سؤال هل ستتطبق على الصيادلة الكلينيكال ام العادى فقط
♥ الاجابة سيتم تدريب طلبة الكلينيكال عاما كاملا في المستشفيات علي شكل راوندات زي الاطباء تماما ....أما غير الكلينيكال فستكون علي شكل كوارترز ..مصانع ...مستشفيات ... صيدليات أهلية ......و هكذا
♥ سؤال هل سنة الإمتياز ستكون بمقابل مادى .. وما الموقف من التجنيد .. وبالنسبة لفتح الصيدلية وتسجيل مدير ستحتسب تلك السنة كسنة تدريبية أم دراسية ؟
♥ الاجابة ستكون سنة الامتياز بمقابل مادي مثل الأطباء و الاسنان.....و ستعتبر سنة دراسية و سيتم تعديل لوائح الكليات بموجبها عشان يلغي اي تدريب خلال الدراسة (مثل 300 او 800 ساعة) و لن يعطي الكارنيه و لا ترخيص مزاولة المهنة الا بعدها لانها ستكون خاضعة لاشراف المجلس الاعلي للجامعات
♥ سؤال كدة هيضيع سنة من عمرى مالهاش لازمة
♥ الاجابة بالنسبه للصيدلى الحالى كدة كدة السنة دى ضايعة
1- انت كصيدلى يعد التخرج بتستلم كارنيه النقابه
من تاريخ استلام الكارنيه بتقعد سنه كامله فراغ و ممنوع انك تفتح صيدليه أو شركه أو مصنع (ممكن تشتغل فى صيدليه تحت إداره صيدلى تانى أو شركه أو مصنع)
و ما بتشتغلش فى الحكومه و لا بتستلم تكليفك إلا بعد مرور سنه برضو
يعنى انت بعد تخرجك بتقعد سنه تقريباً شغال بمعرفتك الشخصية و في صيدليات اهلية عقبال ما تستلم تكليف الحكومه (إلا اللى بيجتهد و يروح يقدم فى الشركات و كده)
---------------------------------------------
2- الكادر الجديد مبنى على عدد سنوات الدراسه
طب و طب أسنان و تمريض التلات كليات ليهم سنه امتياز و الصيدله ملهمش
سنه الامتياز بتبقى تحت إشراف المجلس الأعلى الجامعات و بيبقى راتبها صغير 250 أو 300جنيه
سنه الامتياز دى لأنها تحت إشراف المجلس الأعلى للجامعات بتتحسب تحت السنوات الدراسيه
فطب 6 سنين + سنه الامتياز يعنى محسوبلهم 7 سنين
طب أسنان 5 سنين + سنه الامتياز يعنى محسوبلهم 6 سنين
تمريض 4 سنين + سنه الامتياز محسوبلهم عدد سنوات الدراسه 5 سنين
و الصيادله لأنهم ملهومش سنه امتياز كانت عدد السنوات الدراسيه 5 سنين
يعنى الطبيب البشرى 7 سنين (درجه ماليه أولى)
طبيب الأسنان 6 سنين (درجه ماليه تانيه)
الصيدلى 5 سنين (درجه ماليه تالته)
فحصلت مشاكل طبعاً ان الصيادله بقوا شريحة تالتة بسبب سنوات الدراسه و عدم احتساب سنة تدريب موجودة بالفعل
---------------------------------------------
3- و ده المهم ان السنه دى طبقاً لقانون هتبقى 4 دورات ربع سنويه
ربع سنه فى الصيدليات العامه
ربع سنه فى المصانع الأدويه
ربع سنه صيدله إكلينكيه و مستشفيات
يعنى السنه دى فى مصلحتنا من جميع النواحى
أولاً: لأن أغلبيه الصيادله ده هيمارسوا المهنه مباشره من أول يوم و مش هيدوروا على شغل و كده و يتعبوا نفسهم
ثانياً: عدد السنوات الدراسيه هيبقى 5 سنين + سنه امتياز يعنى 6 سنين من حيث المعاملات الماديه و الإداريه و الحجج اللى كانت عامله مشكله فى الكادر هتلغى تماماً لأنه تم اعتماد سنة " تدريب صيدلي ثان " امتياز
ثالثاً: السنه دى انت هتخش و تتدرب فى مصانع و مستشفيات تحت إشراف الحكومه
في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى
الاشتراك في:
تعليقات الرسالة (Atom)
9 تعليق على "بالتفاصيل كلية الصيدلة 6 سنوات لعام 2014 / 2015"
Of course I do not agree because it will be wasted a lot of time for the university as a student I think that the intensification of material in 5 years is much better than commuting to 6 years so I think that this project would not work and it is not a good project
ايه القرف ده !!!!! ... هستفيد انا ايه من العك اللي هيحصل ده غير اني هضيع سنة زياده من عمري في حاجة ملهاش اي ستين لازمة وخلاص ؟ ... وياريتنا هنتعلم حاجة ... بس طبعا زي كل حاجة ماشية في البلد مش هنتعلم اي هباب وهنضيع وقت ع الفاضي وخلاص ... حسبي الله ونعم الوكيل ... حسبي الله ونعم الوكيييييييييل
حسبي الله و نعم الوكيل
يعني ده ح يطبق ع مين بالظبط ؟ انا دلوقتي ف اعدادي !!
ليه مايتمش ع الصيادله الى بيدرسوا دلوقتى يعنى هيستنوا 5 سنين كمان ايه دا >_<
طيب اية موقف طلبة صيدلة دلوقتي من الكادر؟
معادلة كلية الهندسة جامعة القاهرة
لكل الطلاب المقبلين علي التقديم في معادلة كلية الهندسة
ومحتاجين مساعدة زي شرح المواد او الكتب او الملازم وعايزين يعرفو شكل الامتحان...
مركز النور المتخصص في معادلة كلية الهندسة جامعة القاهرة
هتعرف من خلاله كل شئ عن المعادلة وهيتم تأهيلك للاجتياز بالامتحان
للاستفسار والحجز/ 01118585670
معادلة كلية الهندسة جامعة القاهرة
http://www.eng-elnour.com/
شكرا
الان تعرف على خدمات مكتبتك التى تعمل على اعداد الاطار النظري كما نعمل على توفير كافة المراجع والمصادر العلمية التى تلزم فى صياغة افضل نموذج خطة بحث فقط تواصل معنا الان لتتعرف على المزيد من المعلومات
أترك تعليقا