بالنسـبة للسوفالدي Sovaldi ( العلاج الجديد لفيروس سي ) اللي هينزل الأسواق المصرية :
-مبدئيا أقراص السوفالدي لوحدها مبتعالجش الفيروس
-لأن نوع الفيروس اللي عندنا فى مصر اللي هوه النوع الجيني الرابع genotype 4 بيحتاج انك تاخد أقراص السوفالدي قرص يوميا + 6 أقراص ريبافيرين يوميا + حقنة انترفيرون أسبوعيا و ده لمده 3 شهور و اسمه العلاج الثلاثي و بتبقى نسبه نجاحه في القضاء على الفيروس حوالي 96%
- فيه العلاج الثنائي اللي بيبقى عباره عن قرص سوفالدي يوميا + 6 أقراص ريبافيرين و بدون حقن انترفيرون بس لمده 6 شهور بس نسبه نجاح العلاج الثنائي بتبقى اقل من العلاج الثلاثى حوالى من 75 ل 86 %
- طب التكلفة هتبقى كام ؟ 
- لو هتاخد العلاج الثلاثي (3شهور) اللي نسبه نجاحه عاليه نسبيا 96% أدامك حاجه من اتنين يا اما تستخدم السوفالدي الأصلي المستورد أو تجيب النوع المصنوع في مصر :
1- لو هتستخدم المستورد اللي هوه أكيد أفضل هتبقى التكلفة 3 علب سوفالدي ( 3 * 14900 = 44700 جنيه ) + 12 حقنة انترفيرون مستورد ( 12 * 1400= 16800 ) + 3 علب ريبافيرين ( 3 * 1300= 3900 )
اجمالي التكلفة حوالي 65500 جنيه
2- لو هتستخدم السوفالدي المصنوع في مصر هيبقى سعر العلبة 2650 جنيه و اجمالي تكلفة العلاج مع الحقن و الريبافيرين هتبقى 28650 جنيه
- أما لو هتاخد العلاج الثنائي (6شهور) اللي مفيهوش حقن و نسبه نجاحه أقل :
1- العلاج الثنائي ريبافيرين + سوفالدي أصلي مستورد هتبقى التكلفة 6 علب سوفالدي ( 6 * 14900 = 89400 ) + 6 علب ريبافيرين ( 6 * 1300 = 7800 )
اجمالي التكلفة حوالي 97200 جنيه
2- العلاج الثنائي ريبافيرين + سوفالدي مصرى هتبقى التكلفة 6 علب سوفالدي ( 6 * 2650 = 15900 ) + 6 علب ريبافيرين ( 6 * 1300 = 7800 )
اجمالي التكلفة 23700 جنيه
الخــلاصـة و اللي عـايزين نطـلع بيه :
-العلاج الثلاثي اللي نسبه نجاحه عاليه تكلفته الاجماليه مع السوفالدي المستورد 65500 جنيه و 28650 جنيه مع السوفالدي المصري
-العلاج الثنائي اللي نسبه نجاحه اقل تكلفته الاجماليه مع السوفالدي المستورد 97200 جنيه و 23700 جنيه مع السوفالدي المصري
- اوعى حد يضحك عليك و يخليك تاخد السوفالدي لوحده هتبقى ضيعت فلوسك على الفاضي
- استنى العلاجات الجديده لو انت مش غني و اللي نتائجها متوقع انها تكون أحسن و هتنزل الفتره الجايه ( هارفوني , سوفالدي مع دكلانزا , فايكيرا )
-استنى دورك في علاج نفقة الدوله بدل درجه التليف قليلة و الحاله العامة جيده
هـذا والله المـوفق..

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى